مەودا میدیا- سەباح خضر 

محەمەد سەڵاحی میسری ئەستێرەی لیڤەرپوڵ ریکۆردێکی نوێ دەکاتە ئامانج کاتێک ئەمڕۆ دووشەممە رووبەڕووی یانەی لیدز یونایتد دەبێتەوە لە گەڕی  31ی پریمەرلیگ.

بەگوێرەی ماڵپەڕی فەرمی لیڤەرپوڵ، سەڵاح پێویستی بە گۆڵێک هەیە لە یارییەکەی ئەمڕۆدا، بۆ ئەوەی ببێتە باشترین گۆڵکاری یانەی سوور بەرامبەر لیدز یونایتد لە سەردەمی خولی پریمەرلیگ.

سەڵاح لە ئێستادا لەگەڵ ڕۆبی فۆڵەر لە پلەی یەکەمدایە بە حەوت گۆڵ.

گۆردۆن هێدسن گەورەترین گۆڵچی لیڤەرپووڵ بەرامبەر لیدز یونایتد نۆ گۆڵ)بەڵام لە مێژووی خولەکەدا.

سەڵاح بەم دواییانە فۆولەری تێپەڕاند و بوو بە باشترین گۆڵکاری لیڤەرپوڵ لە خولی پریمەرلیگ.

یانەی لیڤەرپوڵ لە پلەی هەشتەمی خولی پریمەرلیگدایە و 44خاڵی هەیە، لە کاتێکدا لیدز یونایتد بە 29 خاڵ لە پلەی 16هەمین دایە.