مەودا میدیا- سەباح خضر 

تیری هنری فەرەنسی و یاریزانی پێشوی یانەی بەرشەلۆنەی ئیسپانی بۆچوونی خۆی لەسەر یاری نێوان ریال مدرید و مانچستەر سیتی دەربڕی لە قۆناغی پێش کۆتایی خولی یانە پاڵەوانەکانی ئەوروپا.

ئەو ئەستێرە فەرەنسیە لە لێدوانێکیدا بۆ رۆژنامەی ئۆنزی مۆندیالی فەرەنسی ئەوەی خستەڕوو کە یانەی مانچستەر سیتی دەتوانێت بەسەر یانەی ریال مدریدا سەربکەوێت.

هەریەک لە یانەی ریال مدرید و مان سیتی و ئەیسی میلان و ئەنتەر میلان گەیشتونەتە قۆناغی پێش کۆتایی چامپیونسلیگ.

یاری یەکەمی نێوان ریال مەدرید و مانچستەر سیتی لە نۆی مانگی پێنج لە یاریگای سانتیاگۆ بێرنابیۆ ئەنجام دەدرێت و قۆناغی دووەمیش لە یاریگای ئیتیحاد لە 17 ی هەمان مانگ ئەنجام دەدرێت.

یاری کۆتایی خولی یانە پاڵەوانەکان رۆژی شەممە 10ی حوزەیران لە یاریگای ئۆڵۆمپی ئەتاتورک لە ئەستەنبوڵ بەڕێوەدەچێت.