مەودا میدیا- سەباح خضر 

یەکێک لە یاریزانە سەرەکییەکانی مانچستەر سیتی لە لیستی بەرژەوەندییەکانی میلان بووە لە مێرکاتۆی هاوینەی داهاتوودا.

بەگوێرەی رۆژنامەی The Sunی بەریتانی، یانەی میلان چاودێری یاریزانی نێودەوڵەتی ئینگلتەرا کایل واڵکەر دەکات و دەیەوێت دوای کۆتایی وەرز گرێبەستی لەگەڵ بکات.

گرێبەستەکەی واڵکەر لەگەڵ مانچستەر سیتی لە هاوینی 2024 کۆتایی دێت و تا ئێستا هیچ گفتوگۆیەکی نوێ لە نێوان هەردوولادا نەکراوە.

میلان دەیەوێت ئەوە بەکاربهێنێت کە واڵکەر بووە بە یاریزانێکی ناپێویست لە هەژمارکردنی پلانی مانچستەر سیتی پێپ گواردیۆلا لەوەتەی گۆڕینی پلانی یارییکردنی ئەم دواییە بۆ سێ بەرگریکار.

رۆسۆنێری بەهۆی نەبوونی پشتیوانێکی راست لە یانەکەدا دەناڵێنێت، هەرچەندە راهێنەر ستیفانۆ پیۆلی چەندین یاریزانی لەم پۆستەدا تاقیکردۆتەوە، وەک دەیڤد کالابریا، پیەر کالۆلۆ، مالیک تیاو، ئەلێساندرۆ فلۆرێنزی و سێرگینۆ دێست.