مەودا میدیا- سەباح خضر

یانەی ریال مەدرید ئەمڕۆ سێشەممە رایگەیاند گۆڵچی بەلجیکی تیباوت کۆرتوا لە لیستی یارییەکانی جیرۆنا لە قۆناغی 31ی خولی ئیسپانیا دوورخراوەتەوە.

یانەی ریال مەدرید لە بەیاننامەیەکدا لەسەر ماڵپەری فەرمی خۆی رایگەیاند: تیباوت کۆرتوا ئەمڕۆ لە یاری بەرامبەر جیرۆنا یاری ناکات.

لە بەیاننامەکەدا هاتووە: کۆرتوا لە دوا خولەکدا بەهۆی نەخۆشی گەدەوە لە تیمەکە دوورخرایەوە و لەگەڵ تیمەکەدا گەشت ناکات.

ئاماژەی بەوەشکردووە: ستافی راهێنەرایەتی کارلۆ ئەنچێلۆتی ئیتاڵی بڕیاریاندا گۆڵپارێز ماریۆ دی لویس لە جیاتی کۆرتوا زیاد بکەن بۆ لیستی یارییەکە.

ریال مەدرید لە پلەی دووەمی ریزبەندی لالیگادایە بە 65 خاڵ لە دوای بەرشەلۆنە بە 11 خاڵ.