مەودا میدیا-

 

زۆریی كێشی جەستە یەكێكە لە كێشە سەرەكیی و باوەكانی بەشێكی دانیشتوانی زەوی، بەڵام تەنها خواردنەوەی ئەو جۆرە خواردنەوانەی كالۆرییان كەمترە بەراورد بە خواردنەوە گازییەكان، یەكێكە لە رێگە هۆشمەند و زیرەكەكان بۆ دابەزاندنی كێشی جەستە و زووتر دەتگەیەنێتە ئامانجەكەت بۆ بەدەستهێنانی جەستەیەكی تەندروست و رێك.

پزیشكانی بواری دابەزاندنی كێش لە ماڵپەڕی هێڵثلاینی پزیشكیی ئامۆژگاریمان دەكەن بە خواردنەوەی هەشت خواردنەوەی جیاواز بۆ خێرا دابەزاندنی كێشی لەشمان، كە بریتین لە:

 

1.چای سەوز

یەكێكە لەو خواردنەوانەی رۆڵێكی بەرچاوی هەیە لە دابەزاندنی كێش، سیستمی خۆراكیی جەستە رێكدەخات و رێژەی سووتاندنی چەوریی جەستە زیاددەكات.

 

2.قاوە

رێژەی زۆری كافێین لەناو قاوەدا هۆكارە بۆ باشبوونی سەرنجی مرۆڤ و كەمبوونەوەی زۆر خەویی، وزە دەداتە جەستە و لەرێگەی چالاككردنی سیستمی هەرس كێش دادەبەزێنێت و چەورییە زیادەكان دەسووتێنێت.

3.چای رەش

دەوڵەمەندە بە مادەی پۆڵیفینۆڵ كە دژەئۆكسانە و هاوكارە لە سووتاندنی چەورییە زیادە كەڵەكەبووەكانی جەستە.

4.ئاو

خواردنەوەی ئاو لە پێش ژەمەكاندا هەستی تێربوون دەبەخشێت، بەوشێوەیە كەمتر دەخۆیت و هاوكاریش دەبێت لە كەمكردنەوەی رێژەی چەوریی جەستە.

5.سركەی سێو

تێكەڵكردنی لەگەڵ ئاو گرنگە چونكە ترشەڵۆكی ئەسیتیكی تێدایە و ئەو تێكەڵەیە زۆر چالاكە بۆ كەمكردنەوەی رێژەی ئینسۆلینی جەستە، ویستی خواردن كەمدەكاتەوە و چەوریی زیادە لەناودەبات.

6.چای زەنجەبیل

هەستی تێربوون دروستدەكات و ویستی خواردن كەمدەكات، سیستمی هەرس چالاكدەكات و ئەوەش بەسوودە بۆ خێرا دابەزاندنی كێش.

7.خواردنەوە پرۆتیینییەكان

ناهێڵێت زوو هەست بە برسییەتی بكەیت و ئەوەش گرنگە بۆ كەمخواردن، چونكە خواردنی پرۆتین زوو مرۆڤ تێردەكات و بۆ ماوەیەكی زۆر ئەو هەستە دەمێنێتەوە.

8.شەربەتی سەوزە

یەكێك لە توێژینەوەكانی پزیشكان دەریخستووە ئەو كەسانەی لەگەڵ ژەمەكانی خواردنیاندا بە بەردەوامیی شەربەتی سەوزەیان خواردووە، بە شێوەیەكی زۆر خێرا كێشیان دابەزیوە، خواردنی سەوزەی هاوشێوەی خەیاریش هاوكارە لە دابەزاندنی كێش.