مەودا میدیا- سەباح خضر 

راپۆرتێکی رۆژنامەوانی ئیسپانی پشتڕاستی کردەوە کە یانەی بەرشەلۆنە یەکەم گرێبەستی هاوینەی خۆی لە رۆژانی ئێستادا تەواو کردووە بۆ بەهێزکردنی ریزەکانی یانەکە لە ئامادەکاری بۆ وەرزی نوێ.

بەگوێرەی رۆژنامەی سپۆرتی ئیسپانی، ئینیگۆ مارتینێز، بەرگریکاری یانەی ئەتلەتیک بلباو، دەبێتە یەکەم گرێبەستی یانەی بەرشەلۆنە بۆ وەرزی داهاتوو (2023-2024).

ئەو گوتیشی بەرگریکارەکە لە کۆتایی وەرزەکەدا گرێبەستەکەی لەگەڵ یانەی بلباو کۆتایی پێدێت، لە کاتێکدا بە گواستنەوەیەکی خۆڕایی دەچێتە پاڵ یانەی کەتەلۆنیا و ئاماژەی بەوەشکرد کە یاریزانە ئیسپانییەکە پێشتر پشکنینی پزیشکی بۆ کراوە و گرێبەستێکی دوو ساڵی لەگەڵ بەرشەلۆنە واژۆ کردووە.

رۆژنامەکە ئاماژەی بەوەشکردووە، گرێبەستەکە لەگەڵ فیدراسیۆنی ئیسپانیادا رانەگیراوە و روونیدەکاتەوە کە بڕگەیەکی تایبەت لە رێککەوتنەکەی نێوان هەردوو لایەنەکەدا هەیە کە رێگە بە بەرشەلۆنە دەدات یاریزانەکە بە قەرز بدات ئەگەر خولی ئیسپانیا رێگەی پێنەدا گرێبەستەکەی واژۆ بکات.

ئەو گەیشتە ئەو ئەنجامەی کە مارتینێز لە بەرشەلۆنە وەردەگرێت، هەمان ئەو مووچەیەی کە لەگەڵ بیلباو وەریگرتووە و جەختی لەوە کردەوە کە خواستی یاریزانەکە ئەوەیە کە جیاوازی کردووە لە بڕیاردان بۆ چوونە یانەی بەرشەلۆنە.