مەودا میدیا-

لە گرتەیەكی ڤیدیۆییدا كە بەشێوەیەكی خێرا بڵاوبووەتەوە بەناو تۆڕە كۆمەڵایەتییەكاندا دەردەكەوێت، پاسەوانی یەكێك لە كۆمپانیاكانی هیندستان بە قفڵ و زنجیر دەرگا لەسەر كارمەندان دادەخات.

ئەو پاسەوانە لە گرتە ڤیدیۆییەكەدا ئەو پاسەوانە باس لەوەدەكات لەسەر فەرمانی ئانوراگ سیدی، بەڕێوەبەری كۆمپانیای (كۆدینگ نینجاس) دەرگای سەرەكیی كۆمپانیاكە بە قفڵ و زنجیر بەسەر كارمەندەكاندا دادەخات بۆ ئەوەی لە كاتەكانی كاركردندا نەچنەدەرەوە.

پاش ئەوەی گرتە ڤیدیۆییەكە تووڕەییەكی زۆری بەدوای خۆیدا هێنا، دەستبەجێ لە پەڕەی فەرمیی خۆیەوە كۆمپانیاكە داوای لێبوردنی راگەیاند و ئاماژەی بەوەكرد ئەو كارە هەڵە بووە كە بە شێوەیەكی تاكڕەوانە لەلایەن كارمەندێكی یەكێك لە لقەكانی كۆمپانیاكەیانەوە ئەنجامدراوە.

جەختیشیكردووەتەوە ئەو بەڕێوەبەرە داوای لێبوردنی كردووە و سەبارەت بەو كارەی ئەنجامیداوە لێكۆڵینەوەی لەگەڵدا دەكرێت.

ژ.ع