مەودا میدیا-

لەمیانی نیگەرانییەكان لە دابەزینی خواستی چین بۆ بەرهەمە نەوتییەكان، نرخی نەوت لە بازاڕەكانی جیهاندا دابەزینی بەخۆوە بینی.

بەپێی ئاژانسە ئابوورییەكانی جیهان، ئەمڕۆ پێنجشەممە 6ی تەمموزی 2023 نرخی یەك بەرمیل نەوتی خاوی برێنت لە بازاڕەكانی جیهان 76.69 دۆلار بووە و بە رێژەی 0.34 لەسەد بەهاكەی دابەزیوە.

هاوكات خاوی تەكساسی رۆژئاوای ئەمەریكی نرخەكەی بە رێژەی لەسەدا 0.13 دابەزینی بەخۆوە بینیوە و نرخی یەك بەرمیل لەو بەرهەمە 71.70 دۆلار بووە.

ئەوەش لەكاتێكدایە دوێنێ چوارشەممە نرخی خاوی برێنت بە رێژەی لەسەدا 0.5 زیادیكرد، هاوكات لەگەڵ كەمكردنەوەی وەبەرهێنانی نەوت لە سعودیە و روسیا، لەلایەكی دیكەش رێژەی خەزنكراوی نەوت لە كۆگاكانی ویلایەتە یەكگرتووەكانی ئەمەریكا بێئەندازە دابەزینی بەخۆوە بینی.

ژ.ع