مەودا میدیا-

بە رێژەی نزیكەی لەسەدا سێ، نرخی نەوت لە بازاڕەكانی جیهاندا بەرزبوونەوەی بەخۆوە بینی و ئەوەش بەرزترین ئاستیەتی لەماوەی حەوت رۆژی رابردوودا.

نرخی بەرمیلێك نەوتی خاوی برێنت لەكانی كردنەوەی بازاڕەكاندا لە جیهان ئەمڕۆ شەممە 8ی تەمموزی 2023 بە 78.47 دۆلار بوو، بەوپێیە بڕی 1.95 دۆلار نرخەكەی بە رێژەی لەسەدا 2.6 بەرزبووەتەوە.

هاوكات یەك بەرمیل خاوی تەكساسی رۆژئاوای ئەمەریكا بە 73.86 دۆلار مامەڵەی پێوەكراوە و نرخەكەی 2.06 دۆلار و بە رێژەی لەسەدا 2.9 بەرزبووەوە.

ئەوەش لەكاتێكدایە دابەزینی نرخی نەوت لەماوەی هەفتەی رابردوودا، نیگەرانیی دروستكردبوو لە كەمبوونەوەی وەبەرهێنانی بەرهەمەكە و بەرزبوونەوەی رێژەی سوود، كە ئەوەش دەبووە هۆی خاوبوونەوەی گەشی ئابووری و كەمبوونەوەی خواست لەسەر نەوت.

ژ.ع