مەودا میدیا-

پارێزگاری به‌غدا بەمەبەستی رێگریکردن لە بڵاوبوونەوەی ڤارۆسی کۆرۆنا و سەلامەتی هاوڵاتییان پشووی فەرمی لەسەرجەم دامودەزگا حکومییەکان راگەیاند.

محه‌مه‌د جابر عه‌تا، پارێزگاری به‌غدا رایگه‌یاند "له‌ پێناو پاراستنی سه‌لامه‌تی ته‌ندروستی هاووڵاتییان و رێگری له‌ بڵاوبوونه‌وه‌ی ڤایرۆسی كۆرۆنا له‌ رۆژی سێشه‌ممه‌وه‌ تا پێنجشه‌ممه‌ی داهاتوو له‌ ته‌واوی فه‌رمانگه‌ حكوومییه‌كان پشووی فه‌رمی ده‌بێت".

پارێزگاری بەغدا لەبارەی زیاره‌تكارانی شیعه‌ بۆ شوێنه‌ پیرۆزه‌كان وتی "بڕیاریان بۆ ئه‌وانیش ده‌بێت و داوای له‌ سه‌رپه‌رشتیارانی كاروانی زیارەتكاران كردووه‌، كه‌ هۆشیاری ده‌رباره‌ی مه‌ترسییه‌كانی ڤایرۆسی كۆرۆنا بڵاو بكه‌نه‌وه‌".