مەودا میدیا-

وەزیری تەندروستی توركیا لە ترسی بڵاوبوونەوەی نەخۆشی كۆرۆنا بڕیاریدا رێوشوێنەكان توندتر بكەن و چەند گەشتێكیشی راگرت.

ئاژانسی رۆیتەرز لەسەر زاری فەخرەدین قۆجە، وەزیری تەندروستی توركیا بڵاویكردوەتەوە"گەشتە ئاسمانییەكان لەگەڵ وڵاتی بەریتانیا و ژمارەیەك وڵاتی عەرەبی راگیراوە ئەمەش لە پێناو پاراستنی ژیانی هاوڵاتیانی وڵاتە لە نەخۆشی كۆرۆنا".

ئاماژەی بەوەشكردووە "چەندین بڕیاری تر دراون لەوانە داخستنی رێستۆرانت و كافێ و یاریگا وەرزشییەكان و چەندین رێوشوێنی تر".

ئەو بڕیارەی وەزیری تەندروستی توركیا لە كاتێكدایە كە ژمارەی توشبووان بە ڤایرۆسی كۆرۆنا لە وڵاتەكەیدا بۆ نزیكەی 50 كەس بەرزبووەتەوە.