مه‌ودا میدیا - 

 كه‌مێك پێش ئێستا له‌ یه‌كێك له‌ گه‌ره‌كه‌كانی شاری هه‌ولێر و له‌ كێشه‌یه‌كی كۆمه‌ڵایه‌تیدا كه‌سێك به‌ چه‌قۆ برایه‌كی خۆی بریندار ده‌كات و به‌هۆی سه‌ختی برینه‌كه‌یه‌وه‌ كه‌سی بریندار گیانی له‌ده‌ستدا.

به‌گوێره‌ی زانیارییه‌كان رووداوه‌كه‌ له‌ كێشه‌یه‌كی كۆمه‌لایه‌تیدا بوه‌ له‌ گه‌ره‌كی گوڵانی شاری هه‌ولێر تێیدا كه‌سێك له‌كاتی شه‌ره‌كه‌دا چه‌قۆی هاویشتووه‌ و به‌ر برایه‌كی كه‌وتووه‌ كه‌ ویستویه‌تی ناوبژیوانی بكات، به‌ڵام به‌ سه‌ختی بریندار بووه‌ و به‌خۆی سه‌ختی برینه‌كه‌یه‌وه‌ گیانی له‌ده‌ستداوه‌ و وه‌ ده‌ستبه‌جێ كه‌سی بكوژ له‌لایه‌ن هێزه‌كانی پۆلیسه‌وه‌ ده‌ستگیركراوه‌. 

ئه‌وه‌ش له‌كاتێكدایه‌ كه‌ شه‌وی رابردوو له‌شاری هه‌ولێر كارمه‌ندێك به‌چه‌ند فیشه‌كێك ئه‌فسه‌رێكی هاتووچۆی له‌كاتی ئه‌ركی ئێشكگرییدا كوشت.