مه‌ودا میدیا -

یه‌كێك له‌ كادیره‌ دیاره‌كانی پارتی دیموكراتی كوردستان ره‌خنه‌ له‌ مامه‌ڵه‌كردنی كورد ده‌گرێت له‌ دوایی پرۆسه‌ی راپرسی كه‌ له‌ 25ی ئه‌یلولی ساڵی 2017 به‌رێوه‌چوه‌ ، ده‌ڵێت: بە خەڵک راپرسیمان کرد بۆ جیابوونەوە، لەو سەرەوە خۆمان بووین بە ئێراقیەکی ملتزمی عەیار بیست و چوار

كاوێز مه‌لا په‌روێز له‌ نوسینێكدا كه‌ له‌ ئه‌كاونتی خۆی له‌ تۆری كۆمه‌ڵایه‌تی فه‌یسبوك بڵاویكردوه‌ته‌وه‌ ده‌ڵێت:بووین به‌ ئێراقیەک بۆ پۆستێکی شرینی ئەو بەغا عەزیمە حازرین نیوەی کورد بدەین بە دەم ئاوی دیجلەوە!

وه‌بیر هێناوه‌ته‌وه‌  و نوسیویه‌تی: هێشتا کفنی کەرنەڤاڵی گشتپرسی زەرد نەبو بوو، باوەشمان بە پۆستەکانی بەغا کردوە، بە زوویی بووین بە هاوپەیمانی ئەو ئێراقیانەی کە تا سەر ئیسک دژی نەک سەربەخۆی کورد بوون بەڵکو دژ بە حکومی زاتیشن بۆ کورد!

نوسینی ئه‌و كادره‌ی پارتی دیموكراتی كوردستان له‌كاتێكدایه‌ ئه‌مرۆ 25ی ئه‌یلول یادی ئه‌نجامدانی ریفراندۆم له‌ هه‌رێمی كوردستان كرایه‌وه‌ و هاوڵاتیان به‌گشتیی بوون به‌دوو به‌ره‌وه‌ له‌باره‌یه‌وه‌ به‌ره‌یه‌ك به‌رز ده‌ینرخێنێت و به‌ره‌یه‌كی ره‌خنه‌ی لێ ده‌گرێت و به‌هۆكاری كێشه‌كانی ئێستای نێوان هه‌ولێر و به‌غدای وه‌سف ده‌كات.