مه‌ودا میدیا -

سه‌ركرده‌ سیاسیه‌كانی هه‌رێمی كوردستان یادی له‌ دایكبوونی پێغه‌مبه‌ری ئیسلام درودی خوای له‌سه‌ر بێت پیرۆز ده‌كه‌ن و هیوا ده‌خوازن خێر و به‌ره‌كه‌ت بێت بۆ هه‌رێمی كوردستان. 

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان له‌  راگه‌یه‌ندراوێكدا كه‌ له‌سه‌ر تۆری كۆمه‌ڵایه‌تی فه‌یسبوك بڵاویكرده‌وه‌ پیرۆزبایی له‌ موسوڵمانان كرد به‌بۆنه‌ی له‌دایكبووی پێغه‌مبه‌ری ئیسلام و هیوای خواست ببێته‌ مایه‌ی پێكه‌وه‌ژیان و ئاشته‌وایی له‌ هه‌رێمی كوردستان. 

هاوكات مه‌سعود بارزانی سه‌رۆكی پارتی دیموكراتی كوردستان پیرۆزبایی له‌دایكبوونی پێغه‌مبه‌ری ئیسلامی له‌ خه‌ڵكی هه‌رێمی كوردستان كرد و له‌ راگه‌یه‌ندراوێكدا ده‌ڵێت:  له‌ خودای بەخشندە و میهرەبان داواكارین له‌م بۆنه‌ پیرۆزه‌دا ده‌رگای خێر و به‌ره‌كه‌ت به‌ ڕووی گه‌لی كوردستان و گه‌لانی ناوچه‌كه‌ بكاته‌وه و ئاشتی و سەقامگیری باڵ بەسەر جیهان و ناوچەكەدا بكێشێت و گیانی لێبوردەیی و پێكەوەژیان و تەبایی لەناو مرۆڤایەتیدا بچەسپێت.

سبه‌ینێ یادی له‌دایكبوونی پێغه‌مبه‌ری ئیسلامه‌ و هه‌رێمی كوردستان به‌و بۆنه‌یه‌وه‌ سبه‌ینێ چوارشه‌ممه‌ی كرد به‌ پشوو.