مه‌ودامیدیا -

به‌گوێره‌ی زانیارییه‌كان له‌یه‌ك شه‌ودا له‌ ناحیه‌ی رزگاری سه‌ر به‌ قه‌زای كه‌لار ناوه‌ندی ئیداره‌ی گه‌رمیان، 50 سه‌ره‌ مه‌نهۆڵ له‌لایه‌ن چه‌ند كه‌سێكی نه‌ناسراوه‌وه‌ دزراون كه‌ له‌ ئێستادا هێزه‌ ئه‌منییه‌كان ئاگاداركراونه‌ته‌وه‌.

جه‌مال ساڵح قائیمقامی  ناحیه‌ی رزگاری بۆ مه‌ودا میدیا وتی: به‌ڵێ رووداوێكی له‌و جۆره‌ روویداوه‌ به‌ڵام 50 سه‌ر مه‌نهۆڵ نییه‌ به‌ڵكو بیست دانه‌یه‌ و ئێمه‌ هێزه‌ ئه‌منییه‌كان واته‌ پۆلیس و ئاسایشمان  ئاگاداركردووه‌ته‌وه‌ كه‌ چاودێری بكه‌ن به‌مه‌به‌ستی ده‌ستگیركردنی ئه‌و كه‌سانه‌ی به‌و كاره‌ هه‌ستاون.

ئاماژه‌ی به‌وه‌شكردووه‌ دزه‌كان به‌مه‌به‌ستی فرۆشتنی سه‌ره‌ مه‌نهۆڵه‌كان وه‌ك ئاسن ئه‌و دزییه‌یان كردووه‌ له‌كاتێكدا ئاسنی ته‌واو نییه‌ و جۆرێكه‌ له‌ قوم.

له‌ماوه‌ی رابردوو چه‌ندین دزیكردن له‌ سه‌ره‌ مه‌نهۆڵه‌كان له‌ شاره‌ جیاوازه‌كانی هه‌رێمی كوردستان ئاشكرا كران.