مه‌ودا میدیا -

نێچیرڤان بارزانی سه‌رۆكی هه‌رێمی كوردستان ئێواره‌ی ئه‌مرۆ چوارشه‌ممه‌ بریندارانی رووداوه‌كه‌ی شاری حه‌مدانییه‌ی له‌ نه‌خۆشخانه‌ی ئیمیرجنسی شاری هه‌ولێر به‌سه‌ركرده‌وه‌ و به‌ڵێنی هاوكاری زیاتری پێدان.

هاوكات حكومه‌تی هه‌رێمی كوردستان به‌بۆنه‌ی رووداوه‌كه‌وه‌ سێ رۆژ ماته‌مینی له‌ هه‌رێمی كوردستان راگه‌یاند و ئاماده‌یی ده‌زگا ره‌سمییه‌كانی هه‌رێمی خسته‌رو بۆ هاوكاریكردنی زیانلێكه‌وتووانی رووداوه‌كه‌.

شه‌وی رابردوو له‌ هۆڵێكی ئاهه‌نگگێران له‌ شاری حه‌مدانیه‌ له‌ پارێزگای نه‌ینه‌وا ئاگركه‌وته‌وه‌ و به‌هۆیه‌وه‌ زیاتر له‌ 100 كه‌س گیانیان له‌ده‌ستدا.