مه‌ودا میدیا - 

میدیای ره‌سمیی پارتی كرێكارانی كوردستان زانیاریی سه‌باره‌ت به‌ بۆردومانی شه‌وی رابردووی توركیا بڵاوكرده‌وه‌، كه‌ راسته‌وخۆ دوای هێرشی خۆكوژیی بۆ سه‌ر باڵه‌خانه‌یه‌كی ئه‌منیی باڵا له‌ ئه‌نكه‌ره‌، ده‌ستیپێكرد.

به‌گوێره‌ی ئاژانسی هه‌واڵی فرات نیوز، فڕۆكه‌كانی توركیا له‌ دوای ته‌قینه‌وه‌ی ئه‌نكه‌ره‌، بۆردومانی چڕی ئاسمانیی كرده‌ سەر هەرێمەکانی مەتینا، برادۆست، باڵەکایەتی، ئامێدی و قەندیل.

پارتی كرێكارانی كوردستان چه‌ند كاتژمێرێك دوای هێرشه‌ خۆكوژییه‌كه‌ی سه‌ر باڵه‌خانه‌ی ئاسایشی نه‌ته‌وه‌یی له‌ توركیا، به‌رپرسیارێتیی خۆی له‌ ته‌قینه‌وه‌كه‌ راگه‌یاند و به‌ وه‌ڵامی مامه‌ڵه‌ی فاشیستی ده‌وڵه‌تی توركیا وه‌سفی كرد.