مه‌ودا میدیا - 

كه‌ناڵی ته‌له‌فزیۆنیی (العالم)ی ئێرانیی، دانوستانی نێوان حكومه‌ته‌كانی ئه‌نكه‌ره‌ و به‌غدای ئاشكراكرد سه‌باره‌ت به‌ مامه‌ڵه‌كردن له‌گه‌ڵ چه‌كدارانی پارتی كرێكارانی كوردستان.

به‌گوێره‌ی ئه‌و كه‌ناڵه‌ ته‌له‌فزیۆنییه‌ ئێرانییه‌، به‌رپرسانی عیراق و توركیا له‌هه‌وڵدان بۆ لێنزیكبوونه‌وه‌ و دانوستان سه‌باره‌ت به‌ چه‌كدارانی پارتی كرێكارانی كوردستان، تا هه‌مان ئه‌و مامه‌ڵه‌یه‌ی له‌گه‌ڵدا بكه‌ن، له‌گه‌ڵ حزبه‌ كوردییه‌ ئۆپۆزسیۆنه‌كانی ئێراندا كراوه‌. 

بڵاوبوونه‌وه‌ی ئه‌و هه‌واڵه‌ هاوكات له‌گه‌ڵ ئه‌نجامدانی هێرشی خۆكوژیی پارتی كرێكارانی كوردستان بۆ سه‌ر ناوه‌ندێكی باڵای ئه‌منیی له‌ ئه‌نكه‌ره‌ی پایته‌ختی توركیا و هێرشی پێچه‌وانه‌ی فڕۆكه‌كانی توركیا بۆ سه‌ر ناوچه‌كانی بناری قه‌ندیل.