مەودا میدیا-

بە‌ڕێوەبەرایەتیی گشتیی كەشناسیی و بوومەلەرزەزانیی هەرێمی كوردستان پێشبینییەكانی كەشوهەوای ئەمڕۆ و سبەینێی بڵاوكردەوە و بەپێی زانیارییەكان بە شێوەیەكی گشتی ئاسمان لەنێوان هەور و نیمچەهەور دەبێت.

بەپێی راگەیەندراوی بە‌ڕێوەبەرایەتیی گشتیی كەشناسی و بوومەلەرزەزانی هەرێمی كوردستان تایبەت بە كەشوهەوای ئەمڕۆ سێشەممە 3ی تشرینی یەكەمی 2023 و سبەی چوارشەممە، بە شێوەیەكی گشتیی لە 48 كاتژمێری داهاتوودا ئاسمان هەور و نیمچەهەور دەبێت لەگەڵ ئەگەری تاوەباران و بروسکەی بچربچر لە ناوچە جیاجیاكان  بە شێوەیەکى گشتى.

ئاماژە بەوەشكراوە، پێشبینییەكانی ئەمڕۆ ئاسمان  نیمچەهەور دەبێت، لە ناوچە شاخاوییەکان ئەگەری بروشکەباران و هەورەتریشقە هەیە بە تایبەت لە ناوچە شاخاوییەکانی سنووری پارێزگای دهۆک، پلەكانی گەرماش 1 تا 2 پلە بەرزدەبنەوە تەنها لە  پارێزگای دهۆک و ناوچە شاخاوییەکان نەبێ کە یەک پلە نزمدەبێتەوە. 

سەبارەت بە كەشی سبەی چوارشەممە كەشناسی دەڵێت "ئاسمانی هەرێم بە گشتیی لەنێوان هەور و نیمچەهەور دەبێت، ئەگەری تاوەباران و بروسکە ی بچربچر  هەیە لە ناوچە جیاجیاكان و ئەگەرى بارانى مامناوەند و هەورەتریشقە هەیە  لە ناوچە شاخاوییەکانى باکوور و باکوورى رۆژهەڵاتى  هەرێم، پلەكانی گەرماش سبەینێ نزمدەبێتەوە بۆ 1 تا 2 پلە بەراورد بە تۆمارکراوەكانی ئەمڕۆ.

هاوكات بەرزترین پلەکانی گەرمای پێشبینیکراو بە سیلیزی بەمشێوەیەیە:

هەولێر     :  29 پلەى سیلیزى
سلێمانی   : 26 پلەى سیلیزى
دهۆک      : 25  پلەى سیلیزى
کەرکوک   : 32 پلەى سیلیزى
هەڵەبجە   : 29 پلەى سیلیزى
 زاخۆ        : 26 پلەى سیلیزى
حاجی ئۆمەران: 18 پلەى سیلیزى
سۆران :      26  پلەى سیلیزى
گەرمیان  :  34  پلەى سیلیزى

ژ.ع