مه‌ودا میدیا -

ئیلهام ئه‌حمه‌د، سەرۆکی ده‌سته‌ی‌ جێبه‌جێكردنی ئه‌نجومه‌نی سوریای دیموكراتی (هه‌سه‌ده‌)، بۆ رۆژنامه‌ی (شه‌رقولئه‌وسه‌ت)  دوا: پێویسته‌ كۆمه‌ڵگه‌ی نێوده‌وڵه‌تیی به‌رامبه‌ر به‌ بۆردوومانی به‌رده‌وامیی توركیا له‌ ناوچه‌كه‌مان بجوڵێت و هه‌ڵوێستی هه‌بێت.

ئه‌و به‌رپرسه‌ كورده‌ی خۆرئاوای كوردستان هۆشدارییدا: ئه‌گه‌ر كۆمه‌ڵگه‌ی نێوده‌وڵه‌تیی په‌له‌ نه‌كات له‌ رێگرتن له‌ بۆردوومانی توركیا، ئه‌وا زیان به‌ سه‌قامگیریی ناوچه‌كه‌ ده‌گات و رێگریش ده‌بێت له‌ به‌دیموكراتییكردنی سه‌رجه‌می خاكی سوریا و دوورخستنه‌وه‌ی سیستمی دیكتاتۆریی.

ئیلهام ئه‌حمه‌د، سەرۆکی ده‌سته‌ی‌ جێبه‌جێكردنی ئه‌نجومه‌نی سوریای دیموكراتی (هه‌سه‌ده‌) ده‌ڵێت: توركیا فڕۆكه‌ی بێفڕۆكه‌وان به‌كارده‌هێنێت بۆ بۆردوومانكردنی ناوچه‌كانمان، كه‌ پێنج ملیۆن دانیشتوانی تێدا ده‌ژین، جگه‌ له‌وه‌ی كه‌ مه‌ترسیی له‌سه‌ر ئاواره‌كان دروستده‌كات.