مه‌ودا میدیا - 

مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌ له‌ رێوڕه‌سمی ئاهه‌نگی خولی 42ه‌مینی ده‌رچووانی زانكۆی سه‌ڵاحه‌دین له‌ هه‌ولێر رایگه‌یاند: ئه‌وه‌ پێشنیازی خۆم بووه‌ كه‌ نابێت ئیتر مووچه‌ی فه‌رمانبه‌رانی هه‌رێم دوابكه‌وێت و ده‌بێت له‌كاتی خۆیدا وه‌ریبگرن و مافێكی ئاساییه‌. 

سه‌رۆكی حكومه‌تی هه‌رێمی كوردستان وتی: من وتوومه‌ كه‌ چیتر نابێت مووچه‌ بابه‌تی سه‌ره‌كیی هه‌واڵه‌كان بێت، چونكه‌ مافی ره‌وا و ئاسایی هه‌ر مووچه‌خۆرێكه‌ مانگانه‌ مووچه‌ی خۆی وه‌ربگرێت.

مه‌سرور بارزانی، سه‌رۆكی حكومه‌تی هه‌رێمی كوردستان رایگه‌یاند: ئێستا خه‌ریكه‌ مووچه‌ش وه‌ك بابه‌ته‌كانی تر به‌هه‌ڵه‌دا ده‌برێت، له‌كاتێكدا هه‌رێمی كوردستان كیانێكی ده‌ستوورییه‌ و ده‌بێت مووچه‌ له‌ رێگه‌ی ده‌زگاكانی هه‌رێمه‌وه‌ دابه‌شبكرێت.