مه‌ودا میدیا -
دادوەر بورهان ئەحمەد، ئەندامی داواکاری گشتی لە گەرمیان ده‌ڵێت: کەسێکی ساختەچیی پەیدابووە کە بەناوی کەسانی ترەوە فێڵ دەکات و پارەی خەڵکیی دەخوات.

 
ئه‌و دادوه‌ره‌ لە راگه‌یه‌ندراوێكدا روونیكرده‌وه‌: کەسە ساختەچییەکە زانیاری وردیی هەیە لەسەر سەرجەم ئاژەڵفرۆشان، شۆفێری بارهەڵگرەکان و تەنانەت حەماڵەکانیش، هەروەها زانیاریی ورد کۆدەکاتەوە لەسەر ئەو کەسەی دەیەوێت فێڵی لێبکات و ناوی کەسایەتی و پیاوماقوڵان و زانیاریی لەبارەیانەوە لایەتی.

 

دادوەر بورهان ئەحمەد، ئەندامی داواکاری گشتی لە گەرمیان ده‌شڵێت: دواتر بە ناوێکی ساختەوە بۆ نموونە دەڵێت  "من حاجی عومەرم" و بە ژمارەیەکی کۆڕەکی "علوج" تەلەفۆن بۆ ئاژەڵفرۆشەکە  دەکات و خۆشی نیشان نادات و پێی دەڵێت من حاجی فڵانە کەسم و مەڕی باشم دەوێت دەیکەم بەخێر، بەمشێوەیە مەڕێکی زۆری لێ دەبات و دواتر ژمارەكه‌ی قوفڵ دەکات.

 

ئه‌و دادوه‌ر داوا له‌ هاوڵاتیان ده‌كات فریونه‌خۆن له‌هه‌ر كاتێكدا ئه‌و كه‌سه‌ ته‌له‌فۆنی بۆ كردن و ئاگاداربن، چونكه‌ فێڵ ده‌كات و  بەئاسانی نادۆزرێتەوه‌ و تا ئێستا چەندین حاڵەتی وا روویداوە.