مه‌ودا میدیا -

مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ هه‌ینی راگه‌یه‌ندراوێكی به‌بۆنه‌ی جه‌ژنی ئێزیدییه‌كانه‌وه‌ بڵاوكرده‌وه‌ و تێیدا پشتیوانی مافه‌كانیانی كرد.

سه‌رۆكی حكومه‌تی هه‌رێمی كوردستان له‌ راگه‌یه‌ندراوه‌كه‌دا هیوای خواستووه‌ جه‌ژنه‌كه‌ ببێته‌ مایه‌ی خۆشیی بۆ ئێزیدییه‌كان  و ده‌ڵێت: پیرۆزبایی ئاراسته‌ی به‌ڕێزان میری ئێزدییان ده‌كه‌م و دووپاتی ده‌كه‌ینه‌وه‌ كه‌ حكومه‌تی هه‌رێمی كوردستان له‌سه‌ر پشتیوانیكردنی ماف و داخوازییه‌كانی ئێزیدییه‌كان به‌رده‌وام ده‌بێت. 
 
له‌ جه‌ژنی جه‌مادا ئێزیدییه‌كان ساڵانه‌ له‌ شوێنی په‌رستنه‌كانیان واته‌ لالش كۆده‌بنه‌وه‌ و رێوره‌سمیی ئاینیی سازده‌كه‌ن.