کوردستانی
ئامانج له هێرشی توركیا بۆ سه‌ر خۆرئاوای كوردستان
مەودا میدیا - سلێمانی |
مه‌ودا میدیا -
هێرشی ئاسمانیی توركیا بۆ سه‌ر ناوچه‌كانی خۆرئاوای كوردستان به‌رده‌وامیی هه‌یه و چاوه‌ڕوانده‌كرێت هێرشه‌كان له ئاسمانییه‌وه بگۆڕدرێن بۆ هێرشی زه‌مینیی، به‌رپرسێكی خۆرئاوای كوردستانیش ده‌ڵێت: ئامانجه‌كانی توركیا له خۆرئاوای كوردستان روونه، به‌ڵام زلهێزه‌كانی ناوچه و جیهان دژایه‌تی ده‌كه‌ن.
هۆشه‌نگ ده‌روێش، نوێنه‌ری ئه‌نجومه‌نی سوریای دیموكرات له هه‌رێمی كوردستان، بۆ سایتی مه‌ودا میدیای روونكرده‌وه: ئامانجی سه‌ره‌كیی توركیا له هێرشه‌كانی بۆ سه‌ر خۆرئاوای كوردستان، بریتین له دوو خاڵ، یه‌كه‌میان ده‌یه‌وێت گۆڕانكاریی له نه‌خشه‌ی جوگرافیی خۆرئاوای كوردستاندا بكات، له رێگه‌ی هێرش و كۆچپێكردنه‌وه، دووه‌م، ده‌یه‌وێت زه‌مینه‌یه‌ك بۆ داعش بڕه‌خسێنێت، تا دووباره داعش زیندوو ببێته‌وه، كه له ئێستادا سست بووه.
ئه‌و به‌رپرسه‌ی خۆرئاوای كوردستان ئاماژه‌ی به‌وه‌شكرد: ئامانجی توركیا به‌ده‌ستهێنانی نفوزه له خۆرئاوای كوردستان، به‌ڵام هه‌ریه‌ك له رووسیا و ئێران رووبه‌ڕووی ئه‌و هه‌وڵه ده‌وه‌ستنه‌وه، چونكه ململانێیان هه‌یه له‌گه‌ڵ توركیا له خاكی سوریادا.
هۆشه‌نگ ده‌روێش رایگه‌یاند: توركیا له هێرشه‌كانی ئه‌مدواییانه‌یدا، زیاتر ژێرخانی ئابووری خۆرئاوای كوردستان، وه‌ك ئاو و كاره‌با و هاوشێوه‌كانی ده‌كاته ئامانج، بۆ ئه‌وه‌ی ترس بڵاوبكاته‌وه له‌ناو شاره‌كانی خۆرئاوای كوردستان و خه‌ڵك كۆچ بكه‌ن، به‌وه‌ش زه‌مینه‌ی بۆ بڕه‌خسێت گۆڕانكاریی له دیمۆگرافیادا بكات.
ئه‌وه‌ش له‌كاتێكدایه، له رۆژانی رابردوودا، توركیا له رێگه‌ی فڕۆكه‌ی بێفڕۆكه‌وانی چه‌ند شارێكی خۆرئاوای كوردستان كرده ئامانج و زیانی گیانیی و مادیی به‌رچاوی لێكه‌وته‌وه، له‌و چوارچێوه‌یه‌دا توركیا داوای له واشنتۆن كرد: ده‌ستهه‌ڵبگرێت له پشتیوانیكردنی هێزه‌كانی كورد له سوریا.
هێرشی ئاسمانیی توركیا بۆ سه‌ر ناوچه‌كانی خۆرئاوای كوردستان به‌رده‌وامیی هه‌یه و چاوه‌ڕوانده‌كرێت هێرشه‌كان له ئاسمانییه‌وه بگۆڕدرێن بۆ هێرشی زه‌مینیی، به‌رپرسێكی خۆرئاوای كوردستانیش ده‌ڵێت: ئامانجه‌كانی توركیا له خۆرئاوای كوردستان روونه، به‌ڵام زلهێزه‌كانی ناوچه و جیهان دژایه‌تی ده‌كه‌ن.
هۆشه‌نگ ده‌روێش، نوێنه‌ری ئه‌نجومه‌نی سوریای دیموكرات له هه‌رێمی كوردستان، بۆ سایتی مه‌ودا میدیای روونكرده‌وه: ئامانجی سه‌ره‌كیی توركیا له هێرشه‌كانی بۆ سه‌ر خۆرئاوای كوردستان، بریتین له دوو خاڵ، یه‌كه‌میان ده‌یه‌وێت گۆڕانكاریی له نه‌خشه‌ی جوگرافیی خۆرئاوای كوردستاندا بكات، له رێگه‌ی هێرش و كۆچپێكردنه‌وه، دووه‌م، ده‌یه‌وێت زه‌مینه‌یه‌ك بۆ داعش بڕه‌خسێنێت، تا دووباره داعش زیندوو ببێته‌وه، كه له ئێستادا سست بووه.
ئه‌و به‌رپرسه‌ی خۆرئاوای كوردستان ئاماژه‌ی به‌وه‌شكرد: ئامانجی توركیا به‌ده‌ستهێنانی نفوزه له خۆرئاوای كوردستان، به‌ڵام هه‌ریه‌ك له رووسیا و ئێران رووبه‌ڕووی ئه‌و هه‌وڵه ده‌وه‌ستنه‌وه، چونكه ململانێیان هه‌یه له‌گه‌ڵ توركیا له خاكی سوریادا.
هۆشه‌نگ ده‌روێش رایگه‌یاند: توركیا له هێرشه‌كانی ئه‌مدواییانه‌یدا، زیاتر ژێرخانی ئابووری خۆرئاوای كوردستان، وه‌ك ئاو و كاره‌با و هاوشێوه‌كانی ده‌كاته ئامانج، بۆ ئه‌وه‌ی ترس بڵاوبكاته‌وه له‌ناو شاره‌كانی خۆرئاوای كوردستان و خه‌ڵك كۆچ بكه‌ن، به‌وه‌ش زه‌مینه‌ی بۆ بڕه‌خسێت گۆڕانكاریی له دیمۆگرافیادا بكات.
ئه‌وه‌ش له‌كاتێكدایه، له رۆژانی رابردوودا، توركیا له رێگه‌ی فڕۆكه‌ی بێفڕۆكه‌وانی چه‌ند شارێكی خۆرئاوای كوردستان كرده ئامانج و زیانی گیانیی و مادیی به‌رچاوی لێكه‌وته‌وه، له‌و چوارچێوه‌یه‌دا توركیا داوای له واشنتۆن كرد: ده‌ستهه‌ڵبگرێت له پشتیوانیكردنی هێزه‌كانی كورد له سوریا.
بیروڕا
