مەودا میدیا-

بەڕێوەبەرایەتیی گشتیی کارەبای سلێمانی ئاشکرای دەکات ماوەی لێخۆشبوونی 15%ی كرێی كارەبا تایبەت بە ماڵان دوو هەفتەی ماوە ماوە و کۆتایی دێت.

لە راگەیەندراوێکدا بەڕێوەبەرایەتیی گشتیی كارەبای سلێمانی رایگەیاند "ماوەی لێخۆشبوونی 15%ی كرێی كارەبا تایبەت بە ماڵان دوو هەفتەی ماوە و پرۆژە بازرگانی و پیشەسازییەكانیش تا كۆتایی مانگی داهاتوو دەخایەنێت".

ئاماژە بەوەکراوە "هاوڵاتییان بۆئەوەی لە لێخۆشبوونی قەرزی کارەبا سوودمەندببن دەبێت لەو ماوەیەدا قەرزەكانیان پاكتاو بكەن، لە لێخۆشبوونەكە لە 23 مانگی تەمموزەوە كەوتووەتە بواری جێبەجێكردنەوە".

لەبارەی پارەی پرۆژەكانی (بازرگانى، پيشەسازى، كشتوكاڵى و حكومى)ش كارەبای سلێمانی روونیکردووەتەوە "لێخۆشبوونەكەیان لە 28ی ئاب چووەتە بواری جێبەجێكردنەوە و لە 28ی تشرینی دووەمی 2023 كۆتایی دێت".

س.ر