مەودا میدیا-

تاپۆکردنی خانووە زیادەڕۆییەکانی سلێمانی دەستیپێکرد و ئەمڕۆ دووشەممە یەکەم واژۆی تۆمارکردنی خانووە زیادەڕۆکان بۆ دایکیکی شەهید کرا.

سەرۆکایەتیی شارەوانیی سلێمانی رایگەیاند "ئەمڕۆ دووشەممە 9ی تشرینی یەکەمی 2023 تاپۆکردنی خانووە زیادەڕۆییەکان دەستیپێکرد و یەکەم واژۆی تۆمارکردنی خانووە زیادەڕۆکان بۆ ژنێك کرا کە دایکی شەهیدە".

ئاماژە بەوەکراوە "ئەو هەنگاوە لە ژێر رۆشنایی جیبەجێکردنی یاسای ژمارە (3ی ساڵی 2019) و رێنمایی ژمارە (7ی ساڵی 2021)دایە".

سەرۆکی شارەوانی سوپاسی ئاڕاستەی لیژنە لاوەکییەکانی تەملیککردنی خانووە بێ تاپۆکان کرد و رایگەیاند "لێبوردووانە بە هەماهەنگی لەگەڵ تیمەکانی شارەوانیمان هەڵدەستن بە ئەنجامدانی کارەکانیان بۆ بەرژەوەندی و خزمەتی هاوڵاتییان".

س،ر