مه‌ودا میدیا -

به‌ڕێوه‌به‌رایه‌تیی پۆلیسی پارێزگای دهۆك ئه‌مڕۆ دووشه‌ممه‌ ده‌ستخۆشیی كرد له‌ یه‌كێك له‌ پۆلیسه‌كانی بنكه‌ی پۆلیسی داسنیا سه‌ر به‌ به‌شی پۆلیسی ناوشاری دهۆك، به‌رامبه‌ر به‌وه‌ی كه‌ تۆمه‌تبارێكی ده‌ستگیركردبوو.

دوای بڵاوبوونه‌وه‌ی وێنه‌یه‌ی تۆمه‌تبارێك، ئه‌و پۆلیسه‌ی دهۆك توانیبووی له‌ رێگه‌ی وێنه‌كه‌یه‌وه‌ بیناسێته‌وه‌ و ده‌ستگیری بكات، پاش ئه‌وه‌ی فه‌رمانی ده‌ستگیركردنی بۆ ده‌رچووبوو به‌پێی ماده‌ی (2 له‌ یاسای خراپ به‌كارهێنانی ئامێره‌كانی په‌یوه‌ندییكردن). 

به‌گوێره‌ی زانیارییه‌كان، تۆمه‌تباره‌كه‌ هه‌وڵی زۆری دابوو تا پۆلیسه‌ رازیی بكات و هه‌ڵبێت، به‌ڵام پۆلیسه‌كه‌ رێگه‌ی نه‌دابوو و تۆمه‌تباره‌كه‌ی راده‌ستی پۆلیس كردبوو، به‌و هۆیه‌وه‌ سوپاس و پێزانین و ده‌ستخۆشیی پێشكه‌شكرا.