مه‌ودا میدیا -

هاوكات له‌گه‌ڵ هه‌وڵه‌كانی لایه‌نه‌ جیاوازه‌كان بۆ پێدانی مووچه‌ی فه‌رمانبه‌ران له‌ رێگه‌ی حكومه‌تی فیدراڵییه‌وه‌، ئه‌ندامێكی مه‌كته‌بی سیاسیی یه‌كێتیی نیشتمانیی كوردستان گومان له‌باره‌ی نیه‌تی به‌غداوه‌ ده‌خاته‌ڕوو.

رێواز فایق، ئه‌ندامی مه‌كته‌بیی سیاسیی یه‌كێتیی نیشتمانیی كوردستان له‌ لێدوانێكی رۆژنامه‌وانییدا وتی: باوەڕ ناکەم بەغدا ئەو کارە بۆ ئێمە بکات (مووچه‌ی فه‌رمانبه‌رانی هه‌رێمی كوردستان له‌رێگه‌ی بانكه‌كانه‌وه‌ بدات)، باوەڕ ناکەم لەم قۆناخەدا كارێكی وا بكات.

به‌قسه‌ی ئه‌ندامه‌كه‌ی مه‌كته‌بی سیاسیی یه‌كێتیی، حکومەتی عیراق و تەنانەت ئەو هێزە سیاسییانەش لەگەڵ یەکێتی و پارتی لە هاوپەیمانیی بەڕێوەبردنی دەوڵەتدان، حەز ناكه‌ن کێشەی مووچەی هەرێمی کوردستان چارەسەر بێت، گرفتی مووچە و جێبەجێنەکردنی یاسای بودجە وەکو خۆی بە 'ناحەقی' وه‌سفكرد كه‌ بەرامبەر هەرێمی کوردستان دەکرێت.