مه‌ودا میدیا - 

وه‌زاره‌تی نه‌وتی عیراق داهاتی نه‌وتیی عیراقی بۆ مانگی تشرینی دووه‌می 2023 ئاشكراكرد، كه‌ زیاتر له‌ 8 ملیار دۆلار، له‌كاتێكدا مانگی رابردوو 9 ملیار دۆلار بوو. 

به‌گوێره‌ی زانیارییه‌كانی وه‌زاره‌تی نه‌وتی عیراق، بڕی (102) ملیۆن و (975) هەزار و (782) بەرمیل نەوت له‌مانگی رابردوودا (تشرینی دووه‌م) فرۆشراوه‌  و داهاته‌كه‌ی (8)ملیار و (512) ملیۆن دۆلاره‌. 

وه‌زاره‌تی نه‌وتی عیراق ئاماژه‌ی به‌وه‌شكردووه‌ كه‌ رۆژانە بڕی (3) ملیۆن و (433) هەزار بەرمیل نەوت هەناردە کراوه‌ و تێکڕای نرخی فرۆشتنی هەر بەرمیلێک نەوت (82.66) دۆلار بووه‌. 

به‌گوێره‌ی شاره‌زایانی ئابووری عیراق، داهاتی نه‌وت ساڵانه‌ رێژه‌ی زۆری داهاتی عیراق پێكده‌هێنێت به‌جۆرێك زیاتر له‌ 90%ی كۆی داهاتی عیراق.