مه‌ودا میدیا - 

ئه‌مشه‌و لایه‌نگرانی موقته‌دا سه‌در، هاوكات له‌گه‌ڵ نزیكبوونه‌وه‌ی واده‌ی ده‌نگدانی تایبه‌ت بۆ هه‌ڵبژاردنی ئه‌نجومه‌نی پارێزگاكانی عیراق، رژانه‌ سه‌ر شه‌قامه‌كان.

به‌گوێره‌ی میدیای عیراقیی، ئه‌مشه‌و لایه‌نگرانی سه‌در له‌ رۆژهه‌ڵاتی شاری به‌غدا، به‌دروشمی دژ به‌ هه‌ڵبژاردن و ره‌تكردنه‌وه‌ی، رژانه‌ سه‌ر شه‌قامه‌كان و ئاڵای جۆراوجۆریان به‌رزكرده‌وه‌.

ئه‌وه‌ش له‌كاتێكدایه‌، له‌ رۆژانی رابردوودا موقته‌دا سه‌در، سه‌رۆكی ره‌وتی سه‌در داوای له‌ لایه‌نگرانی كرد، ده‌ستدرێژیی نه‌كه‌نه‌ سه‌ر سندوقه‌كانی ده‌نگدان و ئارامیی بپارێزن.

بڕیاره‌ سبه‌ینێ شه‌ممه‌، پرۆسه‌ی ده‌نگدانی تایبه‌ت بۆ هه‌ڵبژاردنی ئه‌نجومه‌نی پارێزگاكانی عیراق، جگه‌ له‌ هه‌رێمی كوردستان به‌رێوه‌بچێت.