مه‌ودا میدیا -

كاتژمێر له‌ دوای كاتژمێر ماوه‌ی ده‌نگدان بۆ هه‌ڵبژاردنی ئه‌نجومه‌نی پارێزگاكانی عیراق نزیكده‌بێته‌وه‌ و لایه‌نه‌ په‌یوه‌ندیداره‌كان ئاماده‌كاریی ده‌كه‌ن و له‌و چوارچێوه‌یه‌شدا حكومه‌تی عیراق په‌یامێكی ئاراسته‌ی كۆمپانیاكانی كه‌رتی تایبه‌ت كرد.

به‌گوێره‌ی راگه‌یه‌ندراوی حكومه‌تی به‌غدا، محه‌مه‌د شیاع سودانی، سه‌رۆك وه‌زیرانی عیراق ئه‌مڕۆ داوای له‌ كۆمپانیاكانی كه‌رتی تایبه‌ت له‌سه‌ر ئاسته‌كانی ناوخۆ و ده‌ره‌وه‌ كردووه‌، كه‌ هاوكاریی كارمه‌نده‌كانیان به‌ پێدانی مۆڵه‌ت، بۆ ئه‌وه‌ی بتوانن سبه‌ینێ له‌ هه‌ڵبژاردن به‌شداربن و ده‌نگ بده‌ن.

هاوكات له‌گه‌ڵ په‌یامه‌كه‌ی سودانیدا، بەڕێوبەرایەتیی گشتی شارەوانییەکانی گەرمیان رایگه‌یاند، رۆژی دووشەممە ٢٠٢٣/١٢/١٨ پشووی فەرمیی دەبێت بۆ سەرجەم کارمەندانی پاککەرەوە لە سنوری ئیدارەی گەرمیان به‌بۆنه‌ی هه‌ڵبژاردنی ئه‌نجومه‌نی پارێزگاكانی عیراق.