مه‌ودا میدیا - 

به‌یانی ئه‌مڕۆ هه‌ینی 29ی كانوونی یه‌كه‌می 2023، كۆمسۆنی باڵای سه‌ربه‌خۆی هه‌ڵبژاردنه‌كانی عیراق ده‌رگای تانه‌دان له‌ ئه‌نجامی كۆتایی هه‌ڵبژاردنی ئه‌نجومه‌نی پارێزگاكانی عیراق بۆ لایه‌نه‌ سیاسییه‌كان ده‌كاته‌وه‌. 

به‌گوێره‌ی لێدوانی به‌رپرسانی كۆمسیۆنی هه‌ڵبژاردنه‌كانی عیراق، سكاڵاكان كاریگه‌ریی له‌سه‌ر ئه‌نجامه‌كان نه‌بووه‌ و هه‌ریه‌ك لایه‌نێك ئه‌نجامه‌كانی په‌سه‌ند نه‌كات، ده‌توانێت تانه‌ له‌ ئه‌نجامه‌كان بدات، ماوه‌ی تانه‌دان له‌ به‌یانی ئه‌مڕۆ هه‌ینیه‌وه‌ ده‌ستپێده‌كات و تا رۆژی یه‌كشه‌ممه‌ی داهاتوو درێژه‌ی ده‌بێت.

له‌به‌رواری 18ی كانوونی یه‌كه‌می 2023، هه‌ڵبژاردنی ئه‌نجومه‌نی پارێزگاكانی عیراق جگه‌ له‌ هه‌رێمی كوردستان به‌رێوه‌چوو، كه‌ له‌سه‌رجه‌می عیراقدا ماوه‌ی 10 ساڵ ئه‌نجامنه‌درابوو، وه‌ له‌ پارێزگای كه‌ركوكدا ماوه‌ی 18 ساڵ بوو ئه‌نجامنه‌درابوو.