مەودا میدیا-

ئەمشەو کە شەوی سەری ساڵە و هاوڵاتییان ئاهەنگ دەگێڕن بۆ بەڕێکردنی ساڵی 2023 و پێشوازیکردن لە ساڵی 2024 تەرمی گەنجێک لە یەکێک لە گەڕەکەکانی بەغدا بە کوژراوی دۆزرایەوە.

میدیا عیراقییەکان بڵاویانکردووەتەوە، ئەمشەو هێزە ئەمنییەكان لە بوونی تەرمێك لەسەر شەقامێكی گەڕەكی ئەبو دشیر لە باشووری بەغدا ئاگادار كراونەتەوە كە فیشەک بەر سەری كەوتووە.

بەپێی هەواڵی میدیا عیراقییەکان بێت، گەنجە كوژراوەكە لەدایكبووی 2006 بووە و جگە لەوەی شوێنەواری گوللە بە سەریەوە بووە، هەردوو دەست و هەردوو قاچیشی بەسترابووەوە و شوێنەواری ئەشكەنجەش بە جەستەیەوە دیار بووە.

س.ر