مەودا میدیا-

وتەبێژی وەزارەتی کارەبای عیراق رایدەگەیەنێت بەرهەمهێنانی کارەبا زیادیکردووە، ئاماژەی بەوەشکرد لە شەو و رۆژێکدا 20 کاتژمێر کارەبا دەدرێت بە هاوڵاتییان.

ئەحمەد موسا، وتەبێژی وەزارەتی کارەبای عیراق رایگەیاند "بەهۆی دابینکردنی سووتەمەنی پێویست لەلایەن وەزارەتی نەوتەوە توانراوە چارەسەری کێشەی بەشێک لە وێستگەکانی بەرهەمهێنانی كارەبا بکرێت و پێدانی کارەبا بۆ حەوت کاتژمێر زیادکراوە، بەمەش توانراوە کارەبای زیاتر بۆ هاوڵاتییان دابینبکرێت".

وتەبیژەکەی وەزارەتی کارەبا ئاماژەی بەوەشکرد "لە ماوەکانی رابردوودا 13 کاتژمێر کارەبا دەدرا بە هاوڵاتییان، بەڵام ئێستا کارەبای نیشتمانی بۆ 20 کاتژمێر زیادکراوە".

پێدانی 20 کاتژمێر کارەبا لە عیراق لە کاتێکدایە لە هەرێمی کوردستان رۆژانە تەنها 4 بۆ 5 کاتژمێر کارەبا دەدرێت بە هاوڵاتییان.


س.ر