مه‌ودا میدیا-

لێکۆڵەرێكى بوارى سیاسی ڕایگەیاند، پشتیوانى حكوومه‌تى هه‌رێم بۆ مانه‌وه‌ى هێزه‌كانى ئه‌مریكا له‌ عێراق، كێشه‌كانى هه‌ولێرو به‌غدا زیاتر قوڵده‌كاته‌وه‌.

سەعید بەدری، لێكۆڵه‌رى سیاسى رایگه‌یاند "پاڵپشتی مه‌سرور بارزانى، سەرۆک وەزیرانی هەرێم لە مانه‌وه‌ى هێزه‌كانى ئه‌مریكا له‌ عێراق، هەوڵێکه‌ بۆ وەرگرتنی پاڵپشتی نێودەوڵەتی لە پڕۆژەی سەربەخۆیی هەرێمی کوردستان کە لە ڕابردوودا شکستی هێناوە".

باسى له‌وه‌شكردووه‌ " بەردەوامبوونی هەوڵەکان بۆ تێکدانی یەکێتی و یەکپارچەیی لە عێراق، ئەنجامی نەرێنی بەدواوە دەبێت کە تەنیا خەسار بەر هەرێمی کوردستان و کوردەکان دەکەوێت، له‌ ئه‌نجامیشدا كێشه‌كانى هه‌ولێرو به‌غدا زیاتر قوڵده‌بنه‌وه‌".

شایه‌نى باسه‌، رۆژى رابردوو محه‌مه‌د شیاع سودانى، سه‌رۆكى حكوومه‌تى عێراق رایگه‌یاند "بۆ گه‌ڕانه‌وه‌ى ئاسایش و ئارامى بۆ ناو عێراق، كار ده‌كه‌ن بۆ ئه‌وه‌ى هێزه‌كانى ئه‌مریكا له‌ناوچه‌كه‌ ده‌ربكه‌ن".

ه،ع