مەودا میدیا-

بانکی ناوەندی عیراق ئامادەیی خۆی پیشانداوە بۆ دابینکردنی دۆلاری پێویست بۆ بانکە رێگەپێدراوەکان، بەپێی ئەو پێویستییەی کە بانکەکان هەیانە بۆ رایکردنی کارەکانیان.

لە راگەیەندراوێکدا بانکی ناوەندی عیراق راگەیاند "بانکەکەمان ئامادەیە بە دابینکردنی دۆلاری پێویست بۆ بانکە بازرگانییە رێگەپێدراوەکان لە کەمترین کاتدا، بەڵام بانکەکان سەرەتا دەبێت ئەو لینکەی کە لە نووسراوەکەدا هاتووە ئەو رێژەیەی کە پێوەستییانە بینێرن بۆ بانکی ناوەندیی بۆ ئەوەی ئەوانیش دەست بکەن بە دابینکردنی".

ئەمەش لە کاتێكدایە کە پێشتر بەهۆی کەمی دۆلاری کاش لە بانکە بازرگانییەکاندا کێشەی بۆ بانکەکان دروستکردبوو لە رایکردنی کارەکانیان، چاوەڕوان دەکرێت بەهۆی ئەم بریارە نوێیەی بانکی ناوەندییەوە ئەو گرفتە نەمێنێت.

س.ر