مەودا میدیا- 

 

وتەبێژی بەڕێوەبەرایەتیی گشتیی هاتوچۆی عیراق رایدەگەیەنێت كارگەی نوێی چاپکردنی تابلۆی ئۆتۆمبێل تەواو بووە،

هەروەها ئەماژەی بەوەشکرد لە ماوەی دوو رۆژی داهاتوودا ئامێرە تازەکان دەگەن بە دەستمان.

 

زیاد قەیسی، وتەبێژی بەڕێوەبەرایەتیی گشتیی هاتوچۆی عیراق رایگەیاند "لە دوای ئەوەی کە ئامێرەکان گەشتن بە چاپخانەکان بۆ تابلۆی ئۆتۆمبێلەکان بەکاریدەهێنین، لە دوای ئەوەی عیراق بە شێوەیەکی فەرمی چووە ناو رێککەوتنی ساڵی 2017ی ڤییەناوە لەوکاتەوە تابلۆی ئۆتۆمبێلەکانی عیراق لەسەر ئاستی جیهانی باوەڕپێکراون کە تابلۆکان ستانداردی جیهانین و کاتی خۆی رێككەوتنی هاتوچۆی ڤیەننا لە ساڵی 1968ی لەسەر کراوە".

 

ئاماژەی بەوەشکرد "بە مەبەستی گەیشتن بە سیستمێكی یەكگرتووی هاتوچۆ کاردەکرێت بۆ گەشەپێدان و یەکخستنی پێدانی مۆڵەتی شۆفێری و سیستمی تۆمارکردنی ئۆتۆمبێل".

 

ناوبراو راشیگەیاند  "ئەو مۆڵەتە نێودەوڵەتییەی كە هاوڵاتییان دەریدەهێنن باوەڕپێکراوە لەگەڵ ئەو وڵاتانەی کە هەماهەنگییان لەگەڵ حکومەتی عیراقدا هەیە".

م.ف