مەودا میدیا- سازگار ئەحمەد

ئێوارەی ئەمڕۆ پێنجشەممە نرخی هەرسێ جۆرەکەی بەنزین لە شاری سلێمانی دادەبەزێت و بۆ هەر جۆرێک بڕی 25 دینار نرخەکەی کەمدەبێتەوە. 
 
بەھمەن قادر، وتەبێژی بەنزینخانەکانی سلێمانی بە مەودا میدیای راگەیاند "کاتژمێر 4:00ی ئێوارەی ئەمڕۆ پێنجشەممە 18ی کانونی دووەمی 2024 ھەرسێ جۆرەکەی بەنزینی سوپەر، موحەسەن و نۆرماڵ 25 دینار دادەبەزن".

ئاماژەی بەوەشکرد "دابەزینی نرخی بەنزین لە سلێمانی بۆ زۆری ڕێژەی بەنزین و کەمی خواست لەسەری دەگەڕێتەوە، هەروەها لە سەرەتای ئەمساڵەوە تائێستا 75 دینار لە نرخی هەر سێ جۆرەکەی بەنزین دابەزیوە".

بەم دابەزینەش نرخی بەنزین بەمجۆرەی لێدێت:

-  نرخی لیترێک بەنزینی نۆرماڵ  850 دینارە. 
-   نرخی لیترێک بەنزینی موحەسەن  1075 دینارە. 
-  نرخی لیترێک بەنزینی سوپەر  1225 دینارە. 
 
س،ر