مەودا میدیا-

  بەرێوەبەرایەتیی دەروازەی نێودەوڵەتیی ئیبراھیم خەلیل ئاشکرایکردووە  لە ساڵی رابردوودا لە دەروازەی ئیبراھیم خەلیل نزیکەی 20 ھەزار تۆن کەلوپەل گەڕێندراونەتەوە یان لەناوبراون.

بەشی پەیوەندی و راگەیاندنی بەرێوەبەرایەتیی دەروازەی نێودەوڵەتیی ئیبراھیم خەلیل رایگەیاند "لە مانگی کانوونی دووەمی 2023ەوە تا 31ی کانوونی یەکەمی ئەو ساڵە، 19ھەزار و 897 تۆن کەرەستەی جۆراوجۆر لە تاقیگە و لیژنە پەیوەندیدارەکان پەسندنەکران و زۆرینەی گەڕێندراونەتەوە و بەشێکی دیکەش لەناوبراون، ئەوەش بەھۆی ئەوەی کەرەستەکان لەگەڵ رێنماییەکانی حکومەتی ھەرێمی کوردستان نەگونجاون".

ئاماژە بەوەشکراوە "زۆرینەی کەلوپەلەکانیش کۆزماتیک، خواردن، خواردنەوە، کەرەستەی  ڤێتێرنەری، بیناسازی و چەندین کەرەستەی دیکە بوون".

س.ر ‌‎