مه‌ودا میدیا-

رۆژنامه‌یه‌كى توركى ئه‌وه‌ى ئاشكراكردووه‌، وڵاته‌كه‌ى به‌ قوڵى 30 كیلۆمه‌تر ناوچه‌یه‌كى له‌ناو خاكى هه‌رێمى كوردستان دابڕیووه‌ بۆ ئۆپه‌راسیۆنه‌كانى.

رۆژنامه‌ى ده‌یلى سه‌باحى توركى له‌ راپۆرتێكدا ئه‌وه‌ى ئاشكراكردووه‌ "سوپاى توركیا له‌ چوارچێوه‌ى ئۆپه‌راسیۆنى چنگى قوفڵ، به‌ قوڵایی 15 بۆ 30 كیلۆمه‌تر ناوچه‌یه‌كى دابڕاوى له‌ناو خاكى هه‌رێمى كوردستان دابڕیووه‌".

ئاماژه‌ به‌وه‌شكراوه‌ " لەناو خاکی هەرێمی کوردستاندا بەدرێژایی 620 کیلۆمەتر کە دەکاتە 385 میل، رێگه‌ی سەربازیی لەناوچەکانی ئۆپەراسیۆنە سەربازییەکانی دروستکردووە، بۆ ئه‌و مه‌به‌سته‌ش تورکیا ئۆپەراسیۆنە سەربازییەکانى ئەنجامدەدات".

شایه‌نى باسه‌، له‌ ماوه‌ى رابردوو ئه‌وه‌ بڵاوبووه‌وه‌، سوپاى توركیا ده‌ستى كردووه‌ به‌ بڕینى دارى دارستانه‌كان له‌ناو خاكى هه‌رێمى كوردستان و ژینگه‌ى ناوچه‌ى تێكداوه‌.

ه،ع