مەودا میدیا-

دەزگای ئاسایشی هەرێمی کوردستان دەستگیرکردنی تۆمەتبارانی رووداوی کوشتنی پۆلیسەکەی شەقامی پیرەمێردی سلێمانی راگەیاند.

لە راگەیەندراوێکدا دەزگای ئاسایشی هەرێمی کوردستان رایگەیاند "هەوڵێکی هاوبەشی هێزەکانی (ئاسایش و ئۆپەراسیۆن و کۆماندۆ و پۆلیس) هەردوو تۆمەتباری تەقەکەر دەستگیرکران".

ئاماژە بەوەکراوە "دوای ئەوەی شەوی ڕابردوو کاتژمێر (10:00) بە فەرمانی دادوەری لێکۆڵینەوە، هێزەکانی پۆلیسی نەهێشتنی تاوانی سلێمانی لە شەقامی پیرەمێرد هەوڵی دەستگیرکردنی چەند داواکراوێکیاندا، ڕووبەڕوبونەوەی چەکداری ڕوویدا و بەداخەوە بووە هۆی شەهیدبوونی کۆمیسەرێکی پۆلیس و برینداربونی دوو کارمەندی دیکە".

س.ر