مەودا میدیا- محەمەد فایەق

به‌رگریی شارستانیی هه‌ولێر رایدەگەیەنێت، لە دوای پشکنین و لێکۆلینەوە لە ماڵی پێشڕەو دزەیی هێشتا چارەنووسی دایەنەکە نادیارە.

ئەمڕۆ سێشەممە 23ی کانونی دووەمی 2024 به‌رگریی شارستانیی هه‌ولێر رایگه‌یاند "دوای هه‌فته‌یه‌ك، پشكنین و گه‌ڕان له‌ ماڵی شه‌هید پێشڕه‌و دزه‌یی ته‌واو بوو، چاره‌نووسی میشێل، دایه‌نه‌ فلیپینییه‌كه‌ دیار نییه و نەدۆزراوەتەوە".

بەرگریی شارستانی هەولێر ئاماژە بەوەشکرد "چه‌ند پارچه‌یه‌كی بچوكمان به‌رده‌ست كه‌وتووه‌ و ڕه‌وانه‌ی پشكنینمان كردووه‌ بۆ به‌راوردكردن له‌گه‌ڵ جه‌سته‌ی قوربانییه‌كان و دواتر له‌لایه‌ن لایه‌نی په‌یوه‌ندیداره‌وه‌ ئه‌نجامه‌كه‌ی راده‌گه‌یه‌ندرێت".

ئەمەش لە کتێکدایە، لە ماوەکانی رابردوودا بە هۆی هێرشە موشەکییەکەی ئێران بۆ هەولێری پایتەخت کە بووە هۆی کوژران و برینداربوونی چەند هاوڵاتییەک یەکێک لەوانە ماڵی پێشڕەو دزەییە.

م.ف