ئەنجومەنى نوێنەرانى عیراق رۆژى شەممە کۆدەبێتەوە و یەکێک لە تەوەرەکان هەڵبژاردنى سەرۆکێکى نوێ دەبێت بۆ ئەنجومەنەکە.
 
 ئەنجومەنى نوێنەرانى عیراق  خشتەى کاری بڵاکردەوە و بەپێ خشتەکە رۆژى شەممە یەکەمین کۆبونەوەى خولى نوێی یاسادانان بەڕێوەدەچێت، کۆبونەوەکە لە شەش تەوەر پێکدێت و یەکەمین تەوەرى گفتوگۆکانیش تایبەت دەبێت بە هەڵبژاردنى سەرۆکێکى نوێ بۆ ئەنجومەنى نوێنەران.

 

لە خشتەکەدا هاتووە بڕیارە رۆژى دووشەممەیش جارێکى تر ئەنجومەنى نوێنەرانى عیراق کۆببێتەوە و خوێندنەوەى یەکەمیش بۆ چوار پرۆژە یاسا بکرێت و بڕیاریش لەبارەى رێککەوتنى خزمەتگوزاریی گواستنەوەى ئاسمانیی حکومەتى عیراق و رووسیا بدرێت.

ئەوەش لە کاتێکدایە، لە دواى لابردنى محەمەد حەلبوسى لە پۆستى سەرۆکى ئەنجومەنى نوێنەرانى عیراق بە بڕیاری دادگای فیدراڵیی عیراق تا ئێستا نەتوانراوە کەسێکى دیکە بۆ ئەو پۆستە دیاریبکرێت.

گ.ع