عیراقی
چەند خاڵێکی پشکنین لە دەروازە سنوورییەکانی هەرێم جێگیردەکرێن
مەودا میدیا - سلێمانی |
مەودا میدیا- محەمەد فایەق
لە پێناو کۆنتڕۆڵکردنی ھاوردەی بەرھەمی کشتوکاڵی بۆ عيراق و هەرێم ، پێشنیارکراوە چەند خاڵێکی پشکنین لە دەروازە سنوورییەکانی ھەرێم و پارێزگاکانی تری عیراق جێگیر بکرێن.
فالح خەزعەلی، سەرۆکی لیژنەی کشتوکاڵ و ئاو و کانیاوەکانی پەرلەمانی عیراق رایگەیاند ''حکومەتی بەغدا بەگوێرەی رۆژمێری کشتوکاڵی، لەئێستادا ھاوردەکردنی چەند بەرھەمێکی کشتوکاڵی بۆ ناوخۆی وڵات قەدەغەکردووە و رێگەنادات بێنە ناو بازاڕەوە ، بەڵام سەرەڕای رێگریکردنی ئەو بەرھەمانە هێشتا لە ھەرێمەوە دێنە ناو عیراقەوە''.
هەروەها ئاماژەی بەوەشکرد ''بەرھەمی کشتوکاڵی رێگەپێنەدراو ھاوردە دەکرێن و دواتریش رەوانەی شارەکانی تری عیراق دەکرێت، ئەمەش بە هۆی ئەو جوڵەی بازرگانیانەوەیە کە لە دەروازە سنوورییەکانی ھەرێمەوە دەکرێت ، ئەمەش زەرەری زۆری بە جوتیارانی ناوخۆی وڵات گەیاندووە''.
ناوبراو ئەوەشی خستەڕوو '' لە پێناو کۆنتڕۆڵکردنی ئەم بابەتە پێویستە حکومەتی عيراق چەند خاڵێکی پشکنین لە دەروازە سنوورییەکانی ھەرێم و پارێزگاکانی عیراق جێگیربکات، بۆ کۆنترۆڵکردنی ئەو بەرھەمە کشتوکاڵیانەی کە بە نایاسایی دێنە ناو شارەکانی عیراقەوە''.
م.ف
لە پێناو کۆنتڕۆڵکردنی ھاوردەی بەرھەمی کشتوکاڵی بۆ عيراق و هەرێم ، پێشنیارکراوە چەند خاڵێکی پشکنین لە دەروازە سنوورییەکانی ھەرێم و پارێزگاکانی تری عیراق جێگیر بکرێن.
فالح خەزعەلی، سەرۆکی لیژنەی کشتوکاڵ و ئاو و کانیاوەکانی پەرلەمانی عیراق رایگەیاند ''حکومەتی بەغدا بەگوێرەی رۆژمێری کشتوکاڵی، لەئێستادا ھاوردەکردنی چەند بەرھەمێکی کشتوکاڵی بۆ ناوخۆی وڵات قەدەغەکردووە و رێگەنادات بێنە ناو بازاڕەوە ، بەڵام سەرەڕای رێگریکردنی ئەو بەرھەمانە هێشتا لە ھەرێمەوە دێنە ناو عیراقەوە''.
هەروەها ئاماژەی بەوەشکرد ''بەرھەمی کشتوکاڵی رێگەپێنەدراو ھاوردە دەکرێن و دواتریش رەوانەی شارەکانی تری عیراق دەکرێت، ئەمەش بە هۆی ئەو جوڵەی بازرگانیانەوەیە کە لە دەروازە سنوورییەکانی ھەرێمەوە دەکرێت ، ئەمەش زەرەری زۆری بە جوتیارانی ناوخۆی وڵات گەیاندووە''.
ناوبراو ئەوەشی خستەڕوو '' لە پێناو کۆنتڕۆڵکردنی ئەم بابەتە پێویستە حکومەتی عيراق چەند خاڵێکی پشکنین لە دەروازە سنوورییەکانی ھەرێم و پارێزگاکانی عیراق جێگیربکات، بۆ کۆنترۆڵکردنی ئەو بەرھەمە کشتوکاڵیانەی کە بە نایاسایی دێنە ناو شارەکانی عیراقەوە''.
م.ف
بیروڕا
