مەودا میدیا- محەمەد فایەق

سەرچاوەیەک لە هاوپەیمانێتیى دەوڵەتی یاسا رایدەگەیەنێت،  بڕیاربوو  ئەمڕۆ  سەرۆکێکی  نوێ بۆ پەرلەمانی  عيراق  هەڵبژێردرێت، بەڵام بەهۆی ناکۆکی نێوان لایەنە  سونییەکان  هەڵبژاردنەکە دواخرا.

سەرچاوەیەک لە هاوپەیمانێتى دەوڵەتی یاسا رایگەیاند ''بەهۆی  ئەو ململانێ و ناکۆکییانەی  نێوان لایەنە سوننەکان هەیانە ، ئەمڕۆ شەممە 27ى کانوونى دووەمى 2024  هەڵبژاردنی  سەرۆکێکی نوێ  بۆ ئەنجوومەنی نوێنەرانی عیراق دواخرا ''.

ئەو سەرچاوەیەش ئاماژەی بەوەشکرد '' پێشتر فەرمانگەی راگەیاندنی ئەنجوومەنی نوێنەرانی عێراق رایگەیاند کە رۆژی شەممە  هەڵبژاردنی سەرۆکی نوێی ئەنجوومەنەکە بەڕێوەدەچێت،  بەڵام بە هۆی گرژی و ناکۆکییەوە کە لە هۆڵی پەرلەمان روویدا دانیشتنەکە دواخرا بۆ کاتێکی تر''.

م.ف