مەودا میدیا- محەمەد فایەق

سبەینێ  خۆپیشاندانی سەرتاسەری  مامۆستایانی ناڕازی و وانەبێژان و فەرمانبەران  دەستپێدەکاتەوە ، جەختدەکەنەوە لەوەی تا داواکارییەکانیان جێبەجێنەکرێت  بەردەوامدەبین لە بایکۆتکردنی هۆڵەکانی خوێندن.

مامۆستایان رایانگەیاند ''ماوەی نزیکەیی پێنج مانگ دەبێت کە  بایکۆتی هۆڵەکانی خوێندنمان کردووە ، تا داواکارییەکانمان جێبەجێنەکرێت  کە خۆی دەبینێتەوە  لە دابەشکردنی مووچەی مانگانە لە کاتی خۆیدا، پلەبەرزکردنەوە و دامەزراندنی وانەبێژان  ئامادەنین بچینەوە سەر کارەکانمان''.

هاوکات چەند ڕۆژێک دەبێت فشارەکان بۆ شکاندنی بایکۆت زیادیکردووە لە پارێزگاکانی سلێمانی و دەوروبەری ، پەروەردە داوا لە مامۆستایان دەکات بگەڕێنەوە هۆڵەکانی خوێندن و بۆ ئەو مەبەستەش دەستیکردووە بە سزادانی مامۆستایان، لە بەرامبەردا مامۆستایان وەکو وەڵامێک بۆ وەزارەتی پەروەردە  سبەینێ یەکشەممە مامۆستایانی ناڕازی و وانەبێژان لەبەردەم پەروەردەی ڕۆژئاوا خۆپیشاندان و ناڕەزایەتی ئەنجامدەدەن

ئەمەش لە کاتێکدایە ماوەی  پێنج مانگە  مامۆستایانی ناڕازی و وانەبێژان و فەرمانبەران  بایکۆتی هۆڵەکانی خوێندنیان کردووە ، ئەمەش بۆتە هۆی پەکخستنی پڕۆسەی پەروەردە لە سنووری سلێمانی و  دەوروبەری.

م.ف