مه‌ودا میدیا-

مامۆستایانى ناڕازى له‌ پارێزگاى سلێمانى سبه‌ینێ یه‌كشه‌ممه‌ خۆپیشاندانى ملیۆنى ئه‌نجامده‌ده‌ن دژى كه‌مته‌رخه‌مى به‌رانبه‌ر داواكارییه‌كانى مامۆستایان.

سامان عه‌لى، ئه‌ندامى ده‌سته‌ى داكۆكى مامۆستایان و فه‌رمانبه‌ران به‌ مه‌ودا میدیاى راگه‌یاند "وه‌ك وه‌ڵامێك بۆ ئه‌و هه‌وڵه‌ى حكومه‌ت و په‌روه‌رده‌كان كه‌ ده‌ستیانكردووه‌ به‌ سزادانى مامۆستایان و مووچه‌بڕیان ده‌كه‌ن، سبه‌ینێ یه‌كشه‌ممه‌ خۆپیشاندانى ملیۆنى ئه‌نجامده‌درێت له‌ زۆربه‌ى ناوچه‌كان".

باسى له‌وه‌شكرد "حكومه‌ت كه‌مته‌رخه‌مه‌و ئاماده‌ نییه‌ مووچه‌ دابه‌شبكات و داواكارى مامۆستایان جێبه‌جێ بكات، له‌ به‌رانبه‌ریشدا ئه‌و مامۆستایانه‌ى بایكۆتیان كردووه‌ سزایان ده‌دات".

شایه‌نى باسه‌، زیاتر له‌ 135 رۆژه‌ مامۆستایانى سلێمانى بایكۆتى خوێندنیان كردووه‌ و ئاماده‌نین بچنه‌وه‌ قوتابخانه‌كان.

ه،ع