کوردستانی
پارتى له چه‌مچه‌ماڵ خۆپیشاندان ده‌كات
مەودا میدیا - سلێمانی |
مه‌ودا میدیا-
دواى نزیكه‌ى دوو هه‌فته به‌سه‌ر مووشه‌كبارانى هه‌ولێر له لایه‌ن ئێران، بڕیارى رۆژى دووشه‌ممه، رێكخستنى پارتى و جه‌ماوه‌رو ئه‌ندامانى له چه‌مچه‌ماڵ خۆپیشاندان بكه‌ن.
به‌پێى زانیارییه‌كانى مه‌ودا میدیا "رۆژى دووشه‌ممه، 29ى كانونى دووه‌م، رێكخستن و قوتابیانى پارتى دیموكراتى كوردسان له چه‌مچه‌ماڵ خۆپیشاندان ئه‌نجامده‌ده‌ن بۆ ئیدانه‌كردنى مووشه‌كبارانكردنى هه‌ولێر له لایه‌ن ئێران".
ئه‌و خۆپیشاندانه‌ى رێكخستن و كادیر و ئه‌ندامانى پارتى له شاره‌كه له كاتێكدایه، نزیكه‌ى دوو هه‌فته به‌سه‌ر مووشه‌كبارانى هه‌ولێر تێده‌په‌ڕێت.
پێشتر مه‌ودا میدیا له سه‌ر زارى به‌رپرسێكه‌وه ئه‌وه‌ى ئاشكراكرد " پارتى ته‌واوى رێكخستنه‌كانى له شارو قه‌زاو ناحییه‌كانى هه‌رێمى كوردستان ئاگاداركردووه‌ته‌وه پێویسته به‌شێوه‌ى ناچارى خۆپیشاندان دژى مووشه‌كبارانى ئێران بكه‌ن و كادیرو ئه‌ندامانیشیان به‌شدارى ئه‌و گردبوونه‌وه و خۆپیشاندانه بكه‌ن".
هه‌فته‌ى رابردووتر، ئێران مووشه‌كبارانى هه‌ولێرى كرد و ماڵى پێشڕه‌و دزه‌یی، سه‌رمایه‌دارى دیارى كوردستانى بۆردوومانكرد و به‌هۆیه‌وه پێشڕه‌و دزه‌یی و چه‌ند منداڵێكى گیانیان له ده‌ستدا.
بیروڕا
