مه‌ودا میدیا-

پارێزگارى سلێمانى رایگه‌یاند، بۆ ئه‌وه‌ى هه‌رێمى كوردستان له‌و مه‌ترسى و پیلانانه‌ رزگارى بێت پێویستمان به‌ یه‌كڕیزى و پێكه‌وه‌بوون هه‌یه‌.

هه‌ڤاڵ ئه‌بوبه‌كر، پارێزگارى سلێمانى به‌ مه‌ودا میدیاى راگه‌یاند "هه‌رێمى كوردستان هه‌میشه‌ پێویستى به‌ یه‌كڕیزى و یه‌كبوون هه‌یه‌، بۆ ئه‌وه‌ى بتوانێت له‌و مه‌ترسى و پیلانانه‌ رزگاری بێت".

باسى له‌وه‌شكرد "دوو شت بۆ هه‌رێمى كوردستان هه‌میشه‌ گرنگ بووه‌ و نابێت هیچكات ده‌ستبه‌ردارى بین، به‌ یه‌كه‌وه‌ كاركردنى ره‌وایانه‌ و دادپه‌روه‌رانه‌، هه‌روه‌ها خۆبه‌دورگرتن له‌ ململانێ ناوچه‌یی و نێوده‌وڵه‌تییه‌كان".

ئه‌و وتانه‌ى پارێزگارى سلێمانى له‌ كاتێكدایه‌ كه‌ ئێستا باس له‌ دروستبوونى مه‌ترسى له‌سه‌ر قه‌واره‌ى هه‌رێمى كوردستان ده‌كرێت به‌تایبه‌ت ئه‌و مامه‌ڵانه‌ى كه‌ له‌رابردوو ده‌سه‌ڵاتدارانى هه‌رێم كردویانه‌.

ه،ع