مەودامیدیا-

به‌گوێره‌ی ئه‌و زانیارییانه‌ی رێكخراوی هه‌نگاو بۆ مافه‌كانی مرۆڤ ئاشكرایكردوه‌، سه‌رباری ئه‌وه‌ی دوو رۆژه‌ چوار گه‌نجه‌ كورده‌كه‌ی رۆژهه‌ڵاتی کوردستان له‌لایه‌ن كۆماری ئیسلامیی ئێرانه‌وه‌ له‌سێداره‌دراون، به‌ڵام په‌یامێك به‌ كه‌سوكاریان دراوه ‌و پێیان وتراوه‌ چاوه‌ڕوانی ته‌رمی رۆڵه‌كانیان نه‌بن‌ و پێیان نادرێته‌وه‌.

رێکخراوی هەنگاو بۆ مافەکانی مرۆڤ راپۆرتێكی بڵاوكردووەته‌وه‌ و ئاماژه‌ی به‌وه‌داوه‌، ناوەندە ئەمنییەکانی ئێران تەرمی چوار بەندکراوی سیاسیی کوردیان بەناوەکانی (پژمان فاتحی، محەمەد فەرامەرزی، وەفا ئازەربارو موحسین مەزڵوم)، رادەستی بنەماڵەکانیان نەکردووەتەوە و پێیان راگەیاندوون، خۆیان بەنهێنی لە شوێنێکی نادیار بەخاکیان دەسپێرن.

ئه‌مه‌ش له‌كاتێكدایه‌، ماوه‌ی دوو رۆژه‌ سزای لەسێدارەدانی چوار زیندانیی سیاسیی کورد لە ئێران جێبه‌جێكراوه‌.

خ.غ